Diamars mainta prensa di Aruba tabata presente na Aeropuerto internacional Reina Beatrix unda e aerolinea Aruba Airlines a inaugura oficialmente su vuelonan entre Aruba pa Curacao y visa versa. E Vuelo a sali mainta y den 17 pa 18 minuut a yega Curacao. Un vuelo sin turbulencia y comodo pa bula entre Aruba pa Curacao cu e avion di Aruba Airlines. Na Curacao a tene un conferencia di prensa den Sambil unda e CEO/ Director di Aruba Arilines a splica cu a cuminsa cu Curacao apesar cu tin mas vuelo internacional. E compania tin varios avion cu ta bula entre Aruba pa Miami, Cuba, Georgetown, y cu otro luna lo bula pa isla hermana Boneiro. Alaves Aruba Airlines ta bula tambe pa Valencia, Barquisimeto y Maracaibo. Tin un demanda pa ruta pa loke Aruba Airlines kier haci Aruba como un hub pa trece mas pasaheronan.
Por bishita e oficina principal di Aruba Airlines na Cumana pa cumpra bo pasashi pa e destino cu bo ta desea.