Jurette Croes di DVG y crisis team diasabra atardi a duna di conoce cu nos tin 64 caso positivo. Un total di 863 persona a test y 798 ta negativo, y 1 pendiente. Den cuarentena tin 381 persona. Edad maximo ta keda 79 y edad minimo 11 aña.
Sra Croes ta lamenta con un potret a keda circula riba social media facebook cu ta treciendo un angustia den comunidad. Departamento di salubridad ta bon informa di casonan, tur precaucion ta keda tuma mescos cu otro casonan. Pa loke e mensahe tabata bisa cu tin 5 cas afecta y mas di 40 hende infecta y full Savaneta ta afecta pa Covid 19 ta falso. No ta e momento pa comunidad descrimini y stigmatisa pa Covid 19. E personanan aki na momento ta biba den nan cas y traumatisa kico ta pasando cu nan salud.