Aruba a ricibi mas di 90 mil bishitante Europeo na 2017

0
RBC Juli 2018
Funmiles-2018

Despues di un bishita exitoso na ITB Alemania, a conclui e bishita na Europa cu varios reunion importante dirigi riba Europa den su totalidad pero tambe e mercado primario di Europa, esta Hulanda.

Hulanda, e mercado primario for di Europa, a trece un total di 37,246 (+2.5%) bishitante durante aña 2017, cual a contribui na un record nobo pa e mercado di Europa na 2017. Mercadonan di Inglatera, Italia y Alemania tambe a mira crecemento aña pasa. Parti clave di e crecemento consistente cu a mira di Europa for di aña 2013, ta inclui entre otro esfuersonan riba area di aviacion, unda ta sigura di por conta cu capacidad necesario di asiento aereo. Tambe esfuersonan di agencianan di representacion di Aruba na cada mercado ta esencial, como tambe trabou di ‘advertising’ pa e mercado primario di Europa, esta Hulanda, cual A.T.A. ta haci conhuntamente cu un agencia di ‘advertising’ den e mercado.

Nada no ta ser logra sin e ekipo di A.T.A. Europa sinembargo. Durante bishita breve na Hulanda a reuni cu e ekipo na Den Haag pa evalua funcionamento di e oficina, repasa resultadonan pa 2017 y strategia y metanan pa e añanan nos dilanti. Mas cu claro a felicita e ekipo cu e reconocimento di ‘Oficina di Turismo di Hulanda’ pa 2017, tambe a gradici pa esfuersonan desplega.

E delegacion consistiendo di CEO di A.T.A. Ronella Tjin Asjoe-Croes hunto cu CMO Sanju Luidens-Daryanani como tambe Director di A.T.A. Europa Tirso Tromp, y Marketing Manager pa Europa Jaap Ellis, a tuma e momento pa conclui proceso di evaluacion di agencia di ‘advertising’ pa Hulanda, nificando cu potencialmente lo por cambia esaki pa añanan cu ta sigui. Esaki ta conclusion di un proceso cu ta canando un paar di luna, unda a evalua diferente agencia y a reuni cu e tresnan cu a yega e fase final y ta mustra di por cumpli cu rekisitonan stipula pa A.T.A.

Tambe a reuni cu KLM cual riba area di aviacion for di Europa a trece mas tanto bishitante pa Aruba na 2017; Un total di 30,157 bishitante a yega cu KLM cual ta representa 33% di total di bishitante di Europa. KLM a mustra un crecemento di 22% aña pasa, ora compara esaki cu 2016, esaki despues cu a logra incrementa frecuencia di servicio aereo pa Aruba. E reunion tabata uno fructifero cu tabatin como meta sigui traha hunto pa mantene un buelo diario pa Aruba na aña 2019. Mas cu claro esaki ta ser logra door di sigui traha hunto na un manera estrecho e aña aki y sigura cu vuelonan y rendimento di vuelonan ta bon.

A.T.A. ta satisfecho cu e bishita y a acorda si cu lo ahusta diferente plan pa asina na un miho manera, confronta retonan presente den e mercado di Europa. Esaki ta inclui retonan pa cu e mercado di Inglatera cu no ta mustra fuerte na e momentonan aki (por lo general pa tur destino) mara na e asina yama ‘Brexit’. Otro reto pa Aruba ta hecho cu despues di atentadonan terorista durante e ultimo añanan, ta mustra cu awo mercadonan di por ehempel Turkia, Tunisia y Egipto ta popular atrobe. Esakinan nunca a perde popularidad, pero si su bishitantenan, pa via di incertidumbre. Awo cu nan ta bek, esaki sigur lo afecta biahenan ‘longhaul’ incluyendo pa Aruba y ta rekeri ahustacion di plannan di A.T.A. Esaki ta algun reto detecta, banda di otro oportunidadnan cu lo enfoca riba dje.

FIN

Comments

comments

C: Heineken
new india