Diasabra anochi a tuma luga e di 7 TK5 organisa pa Olympia Taekwondo na Corsou. Un total di cuater Pais a participa na e TK5 aki.
E aña aki Aruba a presenta cu un team den e categoria di Hubenil so, debi na e falta di interes di e otro scolnan di Aruba pa forma hunto un team di infantil.
Monica Pimentel a haci su debut hunto cu un team Hubenil cu a forma den menos di un luna y a coach e team di Aruba aki cu a train y a bin dal duro contra di Venezuela y a logra di gana e copa Hubenil aki pa di dos aña consecutivo.
E team a consisti di e siguiente atletanan: Rouel Baarh, Nathan Fradl, Hakeem Lowe, Záhyon Klabér y Jourdé Klabér.
Jourdé Klabér a drenta den e team na Corsou, pasobra Venezuela a presenta cu un adulto y asina a duna Aruba e oportunidad di hinca Jourdé Klabér den e team aki sin cu e tabata plania.
Monica Pimentel no a pensa dos biaha y a haci tur e cambionan necesario y a stel op su team di cinco atleta.
Aruba por ta mas cu orguyoso di nos hobennan cu a saca Aruba su cara un biaha mas. Danki na Lotto pa Deporte cu a haci tur esaki posibel.