Aruba a conoce un aumento di 21% di bishitante aña pasa. Pero loke ta importante ta e impacto economico, cu na final di dia ta loke ATA ta pusha. Sra. Ronella Croes, CEO di ATIA ta elabora ariba esaki.
Si wak e ultimo investigacion cu a cubri e temporada crucero di 2017/2018, si bo compara esaki cu e mesun investigacion di impacto economico na 2004-2005, ta mira un crecemento di 43%. E 43% ta ekivalente na un total 102.8 dollar den nos economia pa medio di e industria di turismo crucero. Esey ta e meta final, pero cosnan mester bay na ordo tambe.
E 43% di aumento ta resultado di diferente accionnan ariba area di desaroyo di producto. No solamente accionnan fisico, colaboracionnan cu otro instancianan cu ta asina esencial, pero tambe programanan cu mester introduci. Sra. Croes ta contento di hopi alineamento den e industria aki.
Di parti ATIA nan a haci hopi esfuerso pa train esunnan cu ta train den e industria aki, cu no solamente beneficia esunnan di turismo di crucero, pero esunnan cu ta bin pa un tempo mas largo. E impacto economico a crece y ATIA lo sigui duna atencion na diferente aspecto.
Pone atencion na diferente aspecto. Un di e aspectonan cardinal ta cu lo sigui pone atencion pa mantene base di bishitantenan cu tin aworaki. Lo haci un investigacion otro aña, con lo por atrae barconan mas chikito, mas ‘upscale’ pa Aruba. Ta mira oportunidad eynan pa ingreso economico, sigur interesante, pero cu barconan chikito cu tin menos impacto ariba bo medio ambiente, ariba trafico, etc. Esey ta un liña cu kier sigui y resumiendo, pro bisa cu e proximo añanan, como meta y pensamento, ta mira cu e turismo crucero por ta creciendo cu’n averahe di 2% pa aña. Y den e crecemento eynan, e accento di mas grandi ta pa crece den balor. Ta crece den volumen, pero dentro di esey kier trece ingreso economico, pa medio di diferente strategianan ya menciona.
Hopi di e bishitantenan crucero hopi ta esunnan cu ta bolbe Aruba y pa otro aña mester haci poco mas esfuerso pa esey. Ta bay haci investigacionnan y accionnan ta bay wordo tuma pa ariba cada barco señala mas miho, cua ta e bishitantenan cu ta gasta mas, esun mas afluente, cu mas ingreso economico.
Tin diferente manera pa sa, ora cu cierto bishitante cu ta busca un cabina cu ta mas caro. No necesariamente mester di tur e bishitantenan cu ta ariba e barconan ey, no necesariamente ta bolbe bek. Tin diferente meta tras di atraccion di bishitantenan crucero, pero esun cu ta bolbe bek, lo kier un tiki mas informacion, pa dirigi mas miho ariba nan y incrementa e cantidad di esunnan cu ta bolbe.
Na final di dia, e ta un di e miho maneranan pa promove bo destino. Nan ta bin y haya un taste di Aruba y esey tin su balor agrega. E ta permiti nos pa enfoca un tiki mas pa captura e bishitantenan ey, cu ta bin pa keda mas di un dia.
Tin hopi barco cu kier bin Aruba, pero Aruba ta un solo destinacion y pa cual ta trahando ariba colaboracion cu e islanan ABC, unda cu Aruba ta lidera e plataformanan aki.
Un reto ta e strategia pa cada destinacion ta cambia, pero ta un tiki diferente. ATIA a tuma nota cu Corsou ta expandiendo grandemente, parti di facilidadnan portuario y esey ta trece cun’e cu Corsou tin metanan mas eleva pa trece mas turistanan crucero cu necesariamente ta riba e mesun liña cu Aruba, segun Sra. Ronella Croes, CEO di ATIA.