Diasabra 31 di Maart e evento di Experience San Nicolas a tuma luga.
Durante e Easter edicion a involucra e artistanan di San Nicolas den e evento. Un grupo di artista jong a haya oportunidad pa pinta bou di guia di Reginald de Palm un mural riba muraya di Wema na San Nicolas. E artistanan jong tabata Daniel Jones, David Jones y Xakaii Antersijn.
Durante ongeveer un siman e artistanan a traha hunto riba e piesa artistico. Reginald de Palm a bin cu un diseño cu e artistanan jong por a yuda finalisa.
Inspiracion pa cu e mural aki ta e ciudad di San Nicolas mes. E edificio di Nicolas Store, un di e edificionan mas reconoci na San Nicolas, ta forma parti di e pintura.
Pa por a gradici Wema pa ofrece e artistanan jong un pida muraya pa e projecto aki, e artistanan jong a pinta y kleur un chameleon cu ta parti di e productonan di Wema.
Team organisatorio di Experience San Nicolas kier invita pueblo pa bin pasa admira e mural nobo aki riba muraya di Wema den ciudad di San Nicolas.
Pa mas informacion por tuma contact cu nos na 5847090, por email na [email protected] of tambe sigui nos riba Facebook.