Den cuadro di e renobacion di e Kerki Protestant Sr. Stan Kuiperi ta splica riba un obra di arte cu e la uza cu e mes un pipa na cu e la colecta cu tabata tin den e kerki pa hopi aña.
Sr. Kuiperi ta un docente /artista y e obra Praise The Lord ta un donacion na e comunidad Protestant, pero tambe na e comunidad di Aruba en general como acto publico. E obra ta traha di 15 pipa di orgel original cu tabata den e misa di 1950. Dia a descubri ta bon pa traha un obra di Arte cu nan ta restaurando y drechando. Asina a yega na e obra aki. E ta un combinacion di pipa di orgelnan original y arte moderno, pintura, segun Sr. Kuiperi.
E idea ta pa mustra cu tur pueblo y tur nacion di mundo por alaba nan creador, segun nan creencia, y duna danki pa tur e bendicionnan cu nan tin diariamente na Aruba.
E material uza ta original cu mas di 75 aña caba, y ta un metal masha fragil mes. E ta consisti di tin cu chumbo y casi bo no por traha cun’e ya cu e ta masha moli mes. Pero Kuiperi a logra di dunanna un colo nobo, un colo briyante combina cu colonan moderno di nos cultura Caribense tambe.
E colo cu tin ariba, unda cu e tubo ta sali ta representa tur e nacionnan di mundo, tur e pueblonan di mundo, e diversidad di sernan humano cu ta biba na mundo. Ta un tendencia mundial cu ta pone arte publico den hopi caminda y den misa y kerkinan. Den e caso aki e ta den cura di Kerki Protestant y ta spera cu e por keda eynan pa hopi aña mas. Ta spera cu e keda eynan pa hopi tempo, ya cu e ta algo original. Rond mundo tin, si wak riba internet, tin varios obranan traha di pipa di orgel bieu y esun den cura di kerki Protestant ta algo di nos, cu tambe ta parti di e coleccion mundial, Sr. Kuiperi a termina bisando.