Tur luna, Caribbean Queen na Palm Beach Plaza Mall ta honra un artista femenino local cu ta biba y crea riba e isla. E programa di Reina Caribense a wordo lansa ora e tienda a habri na fin di 2011, y desde e tempo ey a sigui di ta exitoso.
Pa e luna di November 2016, artista local Erika Moran ta e pacus su Reina Caribense celebra, demostrando su bunita pinturanan di verf acrilico.
Procedente di Barranquilla, Colombia, Erika ta bibando na Aruba ya pa shete aña. Lanta den un famia Colombiano artistico renombra, Erika ta sumamente orguyoso di su herencia rico. E ta pintando desde un edad hoben, y e ta stima pintamento.
Tabata simplemente natural, el a splica, cu e lo studia arte plastico na Bogota, y ora cu el a muda pa e isla, el a keda inspira mas ainda pa Aruba su historia y cultura, y el a incorpora loke el a descubri akinan den su obranan di arte.
Como un pintor, Erika normalmente ta expresa su mes riba canvas, usando verf acrilico. Tambe e ta decora sombrenan estilo di fedora y sunhat cu bunita diseñonan acrilico, capturando Aruba su playanan bunita y e diferente colornan di lama. E ta inclui tambe icononan y simbolonan local manera Aruba su palo nacional, e Kapel di Alto Vista, e California Lighthouse historico y paisahenan di cunucu.
Su arte ta captura no solamente e isla su beyesa y historia; pero tambe ta rindi tributo na tremendo experiencia, memoria y storianan disfruta pa bishitantenan riba nos paisahenan.
E pacus di Caribbean Queen ta dedica un porcentahe di tur benta na su programa di e reparacion di mundo, Tikkun Olam. E fondonan colecta ta wordo duna cada cuartal na organisacionnan caritativo local, como parti di un esfuerso continuo pa haci algo bon y sirbi e comunidad. Tur e fundacionnan cu ta ricibi donacion di e pacus di Caribbean Queen ta dedica na e promocion di arte riba e isla, y educacion di artesanonan.
Disfruta di e pinturanan di Erika Moran durante henter e luna di November na Palm Beach Plaza Mall.