Dentro di poco e arista Islandico Arnar Asgeirsson lo ta na Aruba pa duna un workshop di pinta un mural o pintura ariba muraya. Den e workshop aki Arnar y e participantenan lo bai desaroya e schetsnan, dibuho, pa pintura y haci investigashon pa asina por crea un mural fantastico y yen di fantasia. Tambe den e workshop aki lo investiga y trata e stap cu tin di haci for di un canvas pa un mural. E participantenan lo siña con pa transmiti y crea nan storianan den imagen door di composicionnan, color, patronchi, materialnan y e diferente technicanan di pintura cu lo wordo adapta. Y sigur lo investiga tambe e diferente technica di pintura. Aki lo pone hopi atencion na e historia di arte di pintura riba muraya, pintura di cuebanan den nos pre-historia y tambe technica di fresco, graffiti, pamfleta politico, pintura di sign y mucho mas.
Participa y yama director di Ateliers ’89 Elvis López y inscribi bo mes asina pa e workshop aki!
Pa inscribi mas facil por manda un e-mail na [email protected] o yama na T. 5885776 o C. 5654613. Tur workshop ta di Dialuna pa Diahuebs y di 6.30 pa 9.30pm. Cada workshop ta un luna largo y ta termina den un exposicion di e obranan traha. Edad ta di 12 pariba y Ateliers ’89 ta situa ariba e crusada di Maria College na Playa. Inscribi awor ya cu cuponan ta limita.