Sr. Luis Villegas ta un artista hoben cu ta bin cu proyecto nobo bou Fundacion Rancho pa yuda comunidad di Aruba.
E participantenan lo uza poesia, fotografia, dibuhonan, cualkier cos, medionan visual y textual pa crea un publicacion. E proyecto aki ta wordo gesteun door di UNOCA y tambe door di Stichting Rancho. Sr. Luis Villegas kier invita tur hende interesa den participa pa tuma contacto cu su persona, via Facebook y otro rednan social. Por contact Sr. Villegas tambe ariba nr. 7460129, por bel of tambe manda un whatsapp.
Segun Sr. Villegas, e lo ta hopi great pa elabora ariba bukinan cu lo wordo uza durante workshop. E workshop lo cuminsa otro siman, diamars cu diahuebs cu orarionan flexible. E por ta atardi, anochi of tambe mainta. E ta flexible cu e schedule di cada ken. E prijs pa e workshop aki lo wordo anuncia despues.
Durante e workshop lo enfoca ariba hobennan di 17 aña bay ariba te cu adulto. E biaha aki, no lo duna workshop na muchanan ya cu esey lo bin despues na Cosecha San Nicolas. E biaha aki ta focus ariba hobennan. Muchanan di scol lo haya un prijs special y adultonan lo haya prijs regular
E motibo di e workshop aki ta pasobra cu aña pasa el a bay un Residencia di Arte, cu ayudo di UNOCA y e resultado ta e buki cu e la saca recientemente, over di DREAMERS. E buki ta e relato personal over di e fenomeno aki. E razon tambe pa cual e ta duna e workshop aki, ta cu Aruba tin hopi poeta, pintornan y nan no tin un manera pa expone nan talentonan. Tur cos ta keda paden wanta. Dus esaki ta un manera pa yuda tur hende expresa nan mes y tambe hala atencion na e aspecto cultural di Aruba, segun Sr. Luis Villegas.