Diahuebs mainta riba29 di juli, e artista nobo Dennis Angelino, 20 aña di edad, a estrena su cantica ‘Namora’ riba YouTube y Sound Cloud hunto cu Man$EL, 21,kende tin un feature riba e cantica.
Ta trata di un afrobeat suave c’un vibe tropical, cu ta yega net p’e temporada di vakantie y cu ta trece un dushi ambiente pa chill cant’i lama. Esaki lo t’e prome biaha cu Dennis ta lansa un cantica c’un otro artista y ta spera di traha cu hopi otro mas.
Mas y mas artista ta sacando nan canticanan awo den periodo di vakantie, pa trece un bon ambiente rib’e isla.Cu e beat Afrocaribense y letranan romantico, ‘Namora’ sigur ta trece esey.
Por haya e cantica actualmente riba canal di YouTube ‘Dennis Angelino’ y ribaSoundCloud bou di e mesun nomber. Pa sigui e artistanan riba otro plataformanan social, por haya nan riba Instagram @dennxsangelino @manselcurry030 y riba Facebook @Dennis Angelino @Man$ELExperiencia.
