Ariba diasabra 4 di mei e artista Nelson González lo inaugura oficialmente pa publico y mundo henter su exposicion ‘South-Korea: Unification of States’ na Youngeun Museum of Contemporary Art na Seoul. E exposicion lo ta habri pa public for di 4 te cu 19 di mei.
E artista Nelson González di Aruba a wordo invita pa e ta artista residente na Sur-Korea y mustra su exposicion den e museo contemporareo di Seoul. E ta e prome biaha cu un artista di Aruba ta expone den e museo aki.
E exposicion aki ta forma parti di e proyecto di arte ‘Entre dos aguas’ di González. Akinan e artista ta usa e concepto di Inburgering como arte, arte como inburgering. Usando e maneho de inmigración y naturalizacion di Reino hulandes como parti di su arte ela biaha bai tres diferente continente pa asina haci su mes na cas cu e ritualnan y custumbernan na diferente país y a integra esaki den diferente obranan.
Nelson González a cuminsa e trayectoria di e proyecto for di november y a visita Caracas, Willemstad, Miami, Santo Domingo. Na cada país ela usa e metholdologia di unburgering a produci obranan di arte y a saca cara di Aruba den diferente exposición. Despues di caba na Seoul e lo sera su proyecto na Amsterdam.
Awor cu invitacioon y cooperacion di e organisacion di Youngeun Museum of Contemporary Art, y entre otro Mondriaan Fonds Amsterdam y Art Connnection Foundation di Miami ela logra presenta su exposicion te na Sur-Korea y asina laga e comunidad Koreano sera conoci cu Aruba.