Biblioteca Nacional di Aruba y e Fundacion Cultura y Ecologia Colombiano, tin e agrado di presenta e exposicion di arte ambiental titula “Fibras, Texturas y Colores”, di e maestro William Michaels Guerrero, artista plastico Colombiano cu un trayectoria di mas di 35 aña, cual lo wordo inaugura, dia 3 di Mei, 2017, pa 7’or di anochi, den Biblioteca Nacional, den George Madurostraat 13.
Maestro Michales cu su obra a recore cientos di centronan educativo cu e Fundacion, cual e ta presidi, capacitando pa asina concientisa den e maneho di e diferente residuonan solido pa e elaboracion di obranan di arte y haciendo educacion ambiental atrabes di arte.
Den e exposicion aki, e ta presenta 20 obra elabora cu pulpa di papel, plastic, metal, canvas, den tecnicanan manera acrilico y oleo, den formatonan di 50×70 cms y 30×61 cm. Ta haya obranan manera Ojo con el Planeta, Amemos nuestra madre Tierra II, Colgando el Chisme, etc.
E exposicion aki lo ta habri pa publico te cu dia 12 di Mei y lo bay tin bishitanan guia di parti di e maestro Michaels.