William Michael Guerrero ta un artista plastico Colombiano y tin un exposicion na Biblioteca Nacional, caminda cu e ta exponiendo su obranan titula “Fibras, Texturas y Colores”. E exposicion aki ya caba tabata uno spera door di amantenan di pintura y arte.
Guerrero ta un artista ambientalista masha comprometi cu protession di naturalesa y medio ambiente y atrabes di su obranan, e ta mustra cu trahando cu material recicla tambe ta un manera pa yuda nos medio ambiente.
Cu e exposicion aki e kier haci un yamada pa conserva nos medio ambiente, cu ta asina deteriora y aprecia obranan realisa cu residuo solido manera pulpa di papel, palo, hero, Cd’s y e lo ta habri te cu dia 12 di Mei. A trece 20 obra unda cu ta haya titulonan manera “Amemos nuestra madre Tierra”, “Recalentamento Global”, “Ojo con la Tierra”. Atrabes di e exposicion, kier concientisa cu nos tin cu proteha y stima nos mama tera. Na Colombia Guerrero ta presidi e organisacion cultural y ecologico Colombiano, cu cual nan ta recore e geografia di e departamento di Cundinamarca cu ta integra pa 116 municipio, capacitando e hobennan y realisa e salon di artista di Cundinamarca y asina tambe realisa e salon di arte ambiental, cu e artistanan profesional y amateur, despues di a haci un recorido den e institucionnan educativo, mustrando e diferente experiencianan significativo, cu cual por elabora obranan di arte.
Pa haci e obranan aki, segun Guerrero, el a splica e persona cu tin conocimento, ta facilit’e. Tin cu haci algun proceso caminda cu tin cu cushina e fibranan vegetal pa e papel, cu tempo no sali fungus y perde e obra.
Ora cu un hende tin conocemento, e cosnan ta bira facil e ora.
El a sigui splica cu ta residuonan solido. “Sushi”, no ta existi, pasobra tin residuonan solido y residuo organico. Cu esaki por haci compost por ehempel. Cu e residuonan solido por haci obranan manera algun cu ta den e exposicion. Ta uza y reduci y recicla, pulpa di papel, ta resica fibra vegetal, metal y plastic.
Tin biaha a recoge desperdicionan riba caya manera palo. A haci un obra traha cu ta titula “Las Girafas”, cual a wordo bendi. A haci obranan elabora cu ecopor, cual ta un tipo di paki, cual e ta hinca den otro den un obra. Ta haci un labor pa descontamina nos planeta trabes di arte. Ta importante cu ta haci un recorido unda cu ta bay di concientisa, cu tin cu conserva y proteha nos medio ambiente y no trata cu residuo solido totalmente habri.
E artista tabata contento cu hobennan di scol a bin y a mustranan cu si tabata tin un workshop, nan tur a bisa si. Ta hobennan hopi bibo cu gana di siña y nan a bay scol bek hopi contento, di por a mira e exposicion.
E exposicion lo ta habri te cu dia 12 di Mei, manera ya indica lo ta durante e orario di biblioteca, for di 9’or di mainta pa merdia y for di 2’or di merdia pa 5’or di atardi, e scolnan cu kier bin bishita cu nan alumnonan, Guerrero lo tey presente pa splica e hobennan, kico tur a keda elabora den e obranan.
Guerrero no tin website ni facebook. Loke ta pasa cu ya na Colombia, nan conoce nan bastante. E fundacion cultural y ecologico Colombiano, tin un existencia di 20 aña, cual a recore henter Colombia. Na Colombia, manera cu sa, ta un di e paisnan cu tin un rikesa irica y tin cu concientisa y conserva e rikesa cu nan tin. 97% di e planeta ta awa, pero salo. E 3% ta awa di consumo humano, cu nos ta contaminando y ya nos ta wak paisnan cu realmente ta muriendo di sed. Na Guajira, e indjannan Wayuu ta muriendo door di falta di awa, e artista a splica.