Parlamentario Arthur Dowers di fraccion di Avp tambe a hiba su palabra den parlamento diamars mainta relaciona cu e reunion publico di e incidente unda 18 tiro a cay y un hoben a perde su bida.
Arthur Dowers a habri su disertacion y manda palabra di forsa na famia di e hoben y e ta compronde e dolor cu ta keda sinti ta uno inmenso y cu esaki ta trece tristesa y pregunta y mi ta constata cu e reunion aki no ta bay duna contesta na hopi di e preguntanan cu tin den nos comunidad y famia y mi ta spera cu si por haya un indicacion di e investigacion pero no a contenido, pero con largo esaki ta bay dura y e ta hopi importante pa e proceso anda y biba cu e dolor aki pe famia y comunidad.
Sr Dowers a bisa cu e mes a yega di sinta den e posicion aki como minister di husticia den pasado y mi sa cu e ta algo sumamente complica y delicado na momento cu bo ta atende cu tipo di incidentenan aki, sinembargo y pesei mi a bisa den prensa cu nos no ta y no lo haci politica cu algo asina delicado pasobra e no ta sirbi ningun interes. Den pasado e tabata diferente y mi ta kere cu loke ta importante pa nos remarca como fraccion ta cu a sinti y ta spera cu e ta un les pa nos tur, cu e comunicacion no tabata optimal y no ta optimal ainda pa loke ta e incidente aki. Tin declaracion cu a keda duna y a crea cierto impresion den comunidad y ora otro informacion a cuminsa sali e ta crea otro impresion y ta cuminsa duda ariba e proceso, y ta kere ta cu loke no mester ta duda den e proceso aki.
Un punto critico cu Dowers a bisa cu tin ta e optreden den un conferencia di prensa unda autoridad halto presenta y a duna declaracion di bon intencion pero sinembargo e informacion a trece mas dura, den un proceso asina di un incidente tuma luga bo tin diferente caminda di cana y esei no a keda splica den nos comunidad, y cu bo por haci un feiten onderzoek y of un straaflijke onderzoek mesora. E impresion cu nos a haya ne momento aki di e publicacion di ministerio publico ta cu tin un investigacion penal andando y si esaki ta andando cu tin duda den e forma con polis a actua.
Y si esaki te caso e ora cu tin cierto informacion mester a keda duna si esaki te caso y e ora un oficial halto di husticia, aunke berdad ta cu e no ta responsabel pa ningun investigacion di landsrecherche pasobra mescos cu un minister ta responsabel pa cierto departamanto di husticia tin cierto funcionario of autoridad halto di husticia ta responsabel pa cierto departamento di husticia pero no ta responsabel pe investigacion.
E investigacion ta tuma luga bou responsabilidad di un fiscal y bou guia di e fiscal mayor, y e forma con e informacion a sali foi Ministerio Publico, pa sr Arthur Dowers e ta haye hopi incomodo, y a crea impresion cerca mi cu algo a bay robes y ta spera cu por duna claridad. E peticion pa ministerio publico ta y a bise na varios ocasion cu Ministerio Publico ni ningun di e autoridad halto di husticia por duna cuenta di un reunion publico asina y mester duna cuenta, ta e Minister ta esun responsabel y ta esun cu ta keda teni politicamente responsabel si constata cu tin cosnan cu no a bay corecto.
