Diasabra anochi arrestatie team tabata sigui un nissan march den area di Noord ora cu a duña e chauffeur señal pa para esaki a cuminsa trot. Resfuersonan policial a yega di biaha pa duna un man y e auto a core drenta un caminda di santo na Kamay y un homber a keda deteni mientras e otro a logra drenta mondi basta lihe y bay sconde den e scuridad pega cu e saliña. A tuma un tas den beslag cu a keda haya den e auto y tabata tin basta celular y charger aden ta cuadra cu e atraco atardi na Ponton y e sospechoso a keda transporta pa recherchenan di atraco team pa keda interoga di biaha debi cu e tin algun cuenta pa duna di tur loke a keda haya den e tas.