LOS ANGELES, California – E actor Arnold Schwarzenegger a anuncia diasabra cu e no lo presenta e proximo temporada di e programa televisivo “The Celebrity Apprentice”, un decision cu a yega despues di su disputanan mediatico cu e presidente di Merca, Donald Trump, kende tabata e antiguo conductor di e show.
“Mi a gusta traha cada seconde cu e cadena NBC y cu (e productor) Mark Burnett”, e exgobernador di California a bisa den un comunicado.
Schwarzenegger a bisa, ademas, e labor di henter e ekipo di produccion y di e famosonan cu a participa den e concurso.
“Mi lo traha cu tur di nan di nobo den un programa cu no tabata tin e antecedentenan aki,” e protagonista di The Terminator (1984) a apunta, den loke tabata parce un referencia na su enferentamento cu Trump riba “The Celebrity Apprentice.”
Den e espacio televisivo aki, 16 cara conoci di e mundo di espectaculo lo a enfrenta den un serie di reto di caracter empresarial cu e fin di gana fondo pa un organisacion benefico di su eleccion.
Schwarzenegger a desembarca den “The Celebrity Apprentice” e aña aki pa substitui Trump den un programa cu, hunto na su version original “The Apprentice”, a contribui di un manera notabel na converti e magnate den un figura conoci pa e gran publico mericano prome cu a cuminsa cu su carera politico.
Trump, kende a continua como productor ehecutivo di “The Celebrity Apprentice”, a lanta den varios ocasion contra di Schwarzenegger den relacion cu e programa, aunke nan diferencianan, apesar cu ambos ta Republicano, ta remonta na e campaña electoral, ora cu e interprete a sigura cu e no lo vota pa e multimiyonario.
“Waw, e datonan di audiencia a sali y Arnold Schwarzenegger a wordo distrui en comparacion cu e mashin di audiencia, DOJ (e siglanan di Donald J. Trump), e magnate a afirma den su cuenta di Twitter na Januari.
“Y esey ta cu e ta un streya di cine y tabata e temporada 1 compara cu 14. Awo compare cu mi prome temporada. Pero kende ta importa, el a apoya (e precandidato presidencial Republicano) John Kasich y (e candidato democrata) Hillary Clinton,” el a agrega.
Trump a corda di Schwarzenegger incluso den e Desayuno Nacional di Oracion na Februari, un evento di alto nivel cu mescla di politica y religion caminda cu e presidente a sali for di script habitual door di pidi e asistentenan pa nan resa pa Schwarzenegger.
“E datonan di audiencia a cay. Tabata un desaster absoluto. Mi kier resa pa Arnold si ta posibel, pa e datonan ey di audiencia,’ e mandatario a señala.
Schwarzenegger a responde casi inmediatamente cu un video riba Facebook caminda el a propon’e pa nan intercambia nan trabao: “Abo ta encarga cu television, ya cu bo ta asina un experto den datonan di audiencia y ami lo encarga di bo trabao y finalmente hende por drumi trankil.”
Di e manera aki, e interprete a sigura cu tin Trump ainda liga na “The Celebrity Apprentice” a perhudica gravemente e programa.
“Cu Trump ainda involucra den e show, hende tin un mal sabor y no kier participa, sea como espectador, como patrocinador of di cualkier otro manera cu ta apoya e programa,” Schwarzenegger a afirma na señala cu e “reality show” a afekt’e tambe den e epoca di e polarisacion politico cu Merca a atravesa.
Fuente: NTN24