Diamars den oranan di mainta Polisnan a bay pa para un chauffeur den un Nissan Skyline den area di Eagle Beach pa un control pero e chauffeur pa un of otro motibo a hisa speed y cuminsa core pa Polis. Pero leu e no a yega debi cu el a dal den un mata di kwihi. Dos persona den e auto a baha y cuminsa core y aki e polisnan a perdenan for di bista mientras cu dos a keda atras.
E agente policialnan di strand tabata atento y a tuma nota cu algo no ta bayendo bon den e situacion aki unda den e auto a topa cu pildernan di loke ta mustra na ecstasy y otro droga.
E control a keda rond d e area unda cu a perde e personanan for di bista y patras di Chalet Suisse e oficial a capta algo bou di un yaris y ora a sak a canta bingo. A topa cu un arma di candela cu a usa peña bou di e auto. Un poco mas leu tabatin parti di e arma manera spring. Mes ora a sigura e area y pidi pa departamento tecnico presenta pa haci e investigacion saca evidencia y tuma e arma di candela den beslag.
