Un concierto na honor di e victimanan di e atake na Manchester siman pasa, unda cu 22 persona a perde nan bida, y un decena di heridonan y un biaha mas lo conta cu e presencia riba escenario di e cantante Ariana Grande. E concierto aki lo tuma luga diadomingo awo den e ciudad Britanico aki.
E cantante Mericano, cu dia 22 di Mei a celebra un concierto despues di cual e atacante suicida a rementa un bom, lo ta compaña pa otro streanan di musica manera Justin Bieber, Coldplay y Katy Perry.
E concierto, yama One Love Manchester den cual lo recauda fondo pa e victimanan, tambe lo conta cu presencia di otro artistanan manera Take That, Niall Horan de One Direction, Miley Cyrus, Usher y Pharrell.
Cu su musica e lo ta recordando e 22 personanan cu a muri, entrenan 7 menor di edad y como tambe e 116 personanan cu a resulta herida e anochi di e atake.
Na luga di e Manchester Arena, e espectaculo aki lo wordo celebra den e stadion Old Trafford, cu tin capacidad pa 50 mil persona.
Personanan cu a asisti na e concierto di Ariana Grandi dia 22 di Mei ultimo, lo tin acceso gratis.
Ariana Grande a suspende su gira “Dangerous Woman”, pero el a dicidi di regresa Manchester pa ofrece e concierto di homenahe.
“Mi no kier pasa e resto di aña sin di ta capas di wak, apoya y lanta e animonan di mi fanaticonan”, Grande a bisa.
“MI ta bolbe bek na e ciudad balente, Manchester pa pasa tempo cu mi fanaticonan y pa tene un concierto benefico na honor di e victimanan y pa recauda placa pa e victimanan y nan famia”, el a agrega.
Fuente: www.bbcmundo.com