MANCHESTER, Gran Bretaña- Via un decision unanime, e municipio di Manchester (Reino Unido), diaranson a nombra e cantante Mericano Ariana Grande como ciudadano di honor. Esaki ta como reconocimento pa su actuacion despues di e atentado terorista di dia 22 di Mei ultimo.
E presidente di e Conseho di e Ciudad di Manchester, Richard Leese, a presenta e mocion unda cu ta destaca e trabao haci pa e cantante di 23 aña, ora cu el a bolbe na e ciudad pa actua den un concierto benefico cu a tuma luga na Juni, hunto cu Coldplay, Justin Bieber y Katy Perry.
“El a trece consuelo na miles di persona y a yuda recauda miyones pa e fondo di emergencia “We Love Manchester”, e mandatario Richard Leese a sigura.
E atentado provoca pa e terorista suicida, Salman Abedi, ora cu ela detona un bomb den e stadion di Manchester Arena, loke a provoca e morto di 22 persona, di cual 7 tabata menornan di edad. Na September lo cuminsa cu e plannan pa lanta un memorial na e victimanan di e ciudad.
Fuente: www.ntn24.com