BUENOS AIRES, Argentina – Hefe di Estado di Argentina, Mauricio Macri y esun di Uruguay, Tabare Vazquez, a reitera dialuna na Buenos Aires cu nan pais lo traha pa aspira na organisa conhuntamente e mundial di futbol di 2030, ora cu lo cumpli 100 aña di e prome cita mundialistica cu a tuma luga na Uruguay.
Den un rueda di prensa tras di mantene un encuentro cu a trata un gran diversidad di asunto, e dos presidentenan a incidi den e anuncio cu ya a realisa nan prome encuentro di e aña, na Januari ultimo na Colonia de Sacramento (Uruguay).
“Nos ta reitera cu nos lo bay traha hunto pa aspira na e organisacion di e Mundial di Futbol 2030 na Uruguay y Argentina,” Macri a afirma.
Antes, Vazquez, ora di haci referencia na nivel di hermanamento historico y fraternidad entre e pueblonan Argentino y Uruguayo, el a expresa cu e competencia den e caso di futbol, cu diferencianan hopi cla na nivel internacional.
“Mi ta papiando por ehempel di (Leo) Messi – astro Argentino – y di (Luis) Suarez – Uruguayo,” e presidente a bisa.
Den e sentido aki, entre harimento, Macri a haci na su par un referencia riba e situacion caminda cu e seleccion Argentino ta aden, para na di cinco luga di e eliminatorionan Sur Americano pa e Mundial di 2018.
“Nos tin e mas amplio espiritu retributivo. Pasobra ta bon pa tin memoria,” un sonriente Vazquez a conclui.
Fuente: NTN24