Argentina a gana Copa America bek despues di 28 aña

Esaki a sosode diasabra anochi despues di derrota Brasil 1-0 na Rio Janeiro.

Cu asistencia di Rodrigo de Paul, Angel DI Maria a anota e único gol na di 22 minuut di e wega, e gol cu a duna e selección albiceleste e triunfo y titulo di campeon

Con la asistencia de Rodrigo de Paul, Ángel Di María anotó en el minuto 22 del partido el gol que le dio el triunfo a la albiceleste.

Esaki ta e prome titulo di e ekipo grandi di Argentina cu Lionel Messi den e seleccion. Por corda cu nan a perde final di Copa Mundial cu Maradona na 2014, y e finalnan di Copa America na 2007, 2015 y 2016.

E capitan di futbol Argentino tabatin e chens di anota un gol casi na final di w ega, cual lo por a marca e final perfecto, pero el a faya den e tiro.

El a bisa cu a pesar di esey: “Mi ta sinti cu DIos tabatin e momento aki warda pa mi, contra Brazil den e final y na nan pais.”

E tabatin palabra di elogio pa e director tecnico di Argentina, Lionel Scaloni. “E ta un gran merito di Lionel. Semper e tabata kier lo miho pa e seleccion. E tabata sa con pa arma un ekipo ganado y e merece e reconocemento aki,” Messi a bisa.

E ultimo biaha cu e ekipo Argentina a gana Copa America tabata na 1993. En total, nan a gana e torneo aki 15 biaha, contando e titulo di 2021.

E Argentino a bira e maximo goleado di e torneo hunto u e Colombiano Luis Diaz, cu cuatro anotacion.

Di banda di Brasil, e delantero Everton, Richarlison y Gabriel Barbosa tabatin nan miho chensnan pa anota, pero e keeper Emi Martinez a logra wanta tur e atakenan.

Brasil a gana e copa aki 8 biaha.

 

Comments

comments