Tin algun mercado cu lo bay crece e aña aki, pero Argentina y Colombia ta dos destinacion cu sigur cu lo bay conoce mas vuelo y mas bishitante pa bin Aruba, segun Sra. Ronella Croes CEO di ATA.
Brazil ta un mercado cu ta biniendo poco poco bek ariba mapa, pa loke ta trata biahe y turismo. No solamente pa Aruba, pero pa otronan tambe. Dus esey ATA ta spera di capatalisa e aña aki. Brazil su economia a haci’e dificil pa subi e mercado ey. Pa Latino America, e dos mercadonan cu ta importante ta Colombia y Argentina. E dos mercadonan aki, sigur ta unda cu ATA ta mira cu otro aña lo por pusha e mercadonan aki mas. P’esey ta traha ariba ampliacion di aviacion. Pa Colombia Avianca lo amplia su capacidad na April y Argentina, ATA ta trahando ariba diferente opcionnan pa asina saca e maximo capacidad for di e mercado aki, cual ta Argentina. Esaki segun CEO di ATA, Sra. Ronella Croes.