NORTH CAROLINA, Merca-Un homber a wordo acusa diamars di homicidio pa un asesinato cu a wordo transmiti ‘LIVE’ via Facebook, segun autoridadnan di North Carolina a informa.
E sospechoso, Douglas Cleveland Colson, di 65 aña, a wordo acusa di e asesinato di Prentis Robinson, segun e vocero di e oficina di e comisario di e condado di Union, Tony Underwood.
E victima tabata contando via Facebook LIVE cu el a caba di pone un denuncia na polis pa un robo, ora cu el a wordo intercepta pa un homber y el a cuminsa papia cun’e.
Un video publica pa The Charlotte Observer a mustra cu Robinson tabata canando ariba caya dialuna haciendo un transmision ‘LIVE’ di dje mes pa Facebook, cu’n extension pa selfie, ora cu e tiramento a tuma luga.
Cierto momento por scuch’e ta bisa “abo live”, aparentemente bisando otro persona cu e tabata un transmision directo. E persona a aparece cu’n obheto preto y largo, y despues por a scucha e tironan.
E malhechor, identifica como Douglas Colson, a wordo interoga dialuna y diamars e mes a entrega su mes despues cu polis a emiti un orden di aresto den su contra. Segun polis, Robinson tabata tin custumber di expone ariba Facebook Live varios problema di e bario unda cu e ta biba. Dialuna, e dia di su asesinato, testigonan a afirma cu nan a wak’e den un otro video ta keha di cu’n miembro di su famia a horta un celular di dje, pa cual Robinson a bay entrega un denuncia y cu despues a resulta den su mesun asesinato, den bicindario di warda di polis.
Un vocero di Facebook a declara cu e cadena CBS News cu e video original unda cu por wak e asesinato a wordo kita for di e red social.
Fuente: https://yahoo.com