Ultimo tempo a tuma nota cu mas y mas persona ta haciendo uzo di e area pabou di Welcome Plaza, unda cu e tram ta lora, como un espacio pa para auto. Pa proteha e area aki di hopi fluho pisa di autonan cu por causa daño particularmente na e ‘tram baan’, considerando e inversionnan cu a wordo haci a tuma e decision pa cera e area aki, pendiente borchinan cu pronto lo wordo instala pa informa automobilistanan, segun Marlon Croes director di DOW a splica.
Desde inicio di e trabounan den e area, e espacio a wordo destina pa wordo converti den un area recreativo. Den e circulo/memey di e area cu e tram ta lora, mester bin varios ‘solar trees’ y forma un parke cu wifi y coriente, segun sr. Croes.
‘E decision pa cera e area a bin despues cu a tuma nota di ekiponan pisa cu ta yega riba e tereno y pa no molestia e ‘tram baan’ mas. Tambe tin luznan chikito riba e tereno cu auto por dal/trapa, ademas di e forma di parkeer auto cu ta sosodiendo na un forma desordena cu ta duna mahos bista den e area unda cu turistanan ta yega.’