Dia 7 di februari mi a dirigi un carta na e Presidente di e Comision Fiho di Enseñansa, drs. Shailiny Tromp-Lee, cu e peticion pa e yama un reunion cu caracter di urgencia cu dirigente di SKOA. SKOA ta e fundacion di enseñansa mas grandi na Aruba. SKOA tin un poblacion di aproximadamente 8500 alumno.
E ‘beschikking’ di dia 23 di januari ultimo ta elabora riba echonan cu ta trece hopi preocupacion, interogacion y incertidumbre pa loke ta e continuidad di e fundacion Catolico. Ta di sumamente importante pa SKOA duna comision fiho di enseñansa un splicacion amplio di e implicacionnan cu dicho decision tin pa e fundacion Catolico.
Loading...