Fraccion di MAS a dirigi un carta na Presidente di Parlamento cu e peticion pa e Minister di Enseñansa y Deporte, sr. Endy Croes manda e specificacion detaya di e aumento di 5.1 miyon florin di subsidio y reduccion di 1.9 miyon den ‘goederen en diensten’. Ta sumamente importante pa por ricibi esaki considerando e grito continuo for di mundo di enseñansa, na unda ta indica cu mester a corta den nan presupuesto di scol pa loke ta ‘school- en leermiddelen’.
Segun declaracion di e Minister cu a corta, pero no den ‘school- en leermiddelen’. Pa por haci e trabou corectamente mester por ta dispone di informacionnan veridico y no simplemente un declaracion politico di un Mandatario.
Na mesun momento a enfatisa riba e urgencia na unda a haci peticion pa comparti dicho documentonan cu Parlamento den lapso di un siman.