WILLEMSTAD – Aqualectra entrante 1 di Agustus 2017, pa 8 or di mainta, a para e pomp cu tabata añadí fluoride na nos awa di bebe. Esaki a tuma luga simultaneamente tanto na e planta na Mundu Nobo como esun na RO. Sta. Barbara, pues tur 2 planta caminda cu Aqualectra ta produci awa di bebe.
E accion historico aki a keda ehecuta despues cu Aqualectra for di 13 mei 1964 tabata inclui Flouride den e awa di bebe, prome cu e awa drenta e red di distribucion. Basa riba un carta di Gobierno, fecha 20 di April 2017, caminda cu ta pidi Aqualectra pa para e inclusion di Flouride den awa, conseho huridico cu Aqualectra a haña a informa Minister pa si e no tin obhecion, pa entrante 1 di Augustus 2017 lo a stop cu e inclusion di Flouride den awa di bebe na Corsou.
E awa ku tin den e tuberia ainda lo tin algu di fluoride pero poco poco e concentracion lo bai baha. Segun calculacion lo por dura un mas o menos un siman y mei mas prome cu e awa ta completamente liber di fluoride. Aqualectra lo monitorea esaki y lo informa na momento cu e nivel di flouride den awa ta nihil.