Aqualectra tin planea pa almacena energia sostenibel prome cu distruye na su clientenan na 2030.
Aqualectra a firma un acuerdo cu Wärtsilä pa implementa un sistema di almacenamento di energia den bateria (BESS), cu e obhetivo di proporciona energia confiabel, accesibel y sostenibel pa Corsou.
Cu e implementacion di BESS, e empresa energetico lo por almacena energia di fuente renobabel, manera di biento y solar, uzando tecnologia di almacenamento den bateria avansa. E energia almacena aki por wordo libera pa compensa e interupucionnan den energia di biento y sigura e stabilidad di e red electrico.
E sistema no solamente lo contribui pa reduci e cortamento di coriente, sino cu tambe lo optimalisa e uzo di energia renobabel y lo disminui e emisionnan di gas di Greenhouse Effect. E ta un gran paso pa un guturo sostenibel,” Neysa Isenia, director general y director financiero di Aqualectra, a declara.
Beneficio Economico
BESS tambe ta trece cu ne beneficio economico significativo. E reduccion di e tarifanan di demanda maximo lo resulta den tarifa di coriente mas abao tanto pa consumidor como p’e empresanan na Corsou. Fuera di BESS, Aqualectra a adkiri un sistema di maneho di energia pa mehora ainda mas e produccion y distribucion di energia.
E asociacion entre Aqualectra y Wärtsilä ta basta den un colaboracion cu a cuminsa mas di 27 aña pasa y anteriormente, Wärtsilä a construi varios central electrico pa Aqualectra na 2015 y 2019.
Desbentaha
A pesar di su beneficionan, un Sistema di Almacenamento di Energia den Bateria (BESS) ta presenta algun desbentaha significativo cu ta afecta su utilidad y efiiencia general. Na prome luga, e inversionnan halto inicial ta representa un obstaculo importante. No a informa cuanto a inverti den e acuerdo cu Aqualectra.
Fuera di esey, durante e ciclonan di carga y descarga di un BESS, ta perde parti di e coriente debi n’e conversion di energia electrico pa kimica y viceversa. E perdidanan aki di conversion energetico ta reduci e eficiencia general di e sistema, limitando su efectividad den cierto aplicacion. Tur e factornan aki ta mustra cu, aunke BESS ta ofrece diferente beneficio, tambe ta presenta desbentaha y reto significativo.
