Actualmente tin dos studiante di IPA na Centro di Desaroyo di Hende Muhe y Famia (CEDHEM ) y na unda coordinadora di actividad na CEDEHM Miangela Ras ta cuia e hobennan riba e proyecto cu nan mester ehecuta pa nan social proyect pa IPA. Sinembargo for di esaki CEDEHM por a logra haya bek for di e muchanan un bunita forlder full renoba . CEDEHM mes su forlder a keda lansa 5 anja pasa y nunca no a haci cambio riba esaki. Henter e team di CEDEHM ta hopi contento di por a duna oportunidad na e dos hobenan aki pa nan proyecto y actividad pa IPA , Y asina tambe oficialmente CEDEHM a lansa su forlder nobo.
Marilene v/d Linde ta un di e hobenan studiante di IPA hunto cu Anyela Alvarez a dicidi di scoge CEDEHM pa nan proyecto mirando cu CEDEHM ta para pa e desaroyo di hende muhe y awor famia tambe. Loke ta importante ta cu e futuro docentenan kier sa mas riba e derechonan di e ser femenino. Tambe e topico di famia ta un topico interesante y importante den e comunidad di Aruba, pero tambe na scol pa e union familiar debi cu nos muchanan di awendia no ta mescos cu antes mas. Tambe e dos studiante mester a haci un actividad y a scoge pa yama esaki ‘’Aprecia e Educador’’.
Mirando cu luna di October ta luna di enseyansa a dicidi di duna bek na e maestronan. Pa e actividad aki cuater scol a keda selecciona cu ta Colegio Pastoor Winkel, Colegio Christo Rey , St Fransiscus College y Rosario College. E invitacion ta keda na comunidad di Aruba pa bini mayan 29 di October pa 7 or di anochi na centro di bario brazil unda cu lo ta bay tin un bon bar y cuminda bon surti , pero tambe lo ta bay tin diferente premionan y e tema lo ta scol, pesey mes e studiantenan ta enciurasha tur persona cu bin e actividad bin cu materialnan di scol pa asina tin hopi mas chance pa gana premio. Un danki ta bay na tur esnan cu a yuda y aporta cu e dia aki cu lo bira un dia exitoso pa e studiantenan por haya un bon punto pa nan proyecto.