Apple ta revela con e tin planea pa incorpora inteligencia artificial AI den tur su productonan principal for di traduci yamadanan di telefon te na duna e Mac un bar di buskeda mas inteligente, e.o funcionnan.
E actualisacionnan no ta mes dramatico cu otro anuncionan durante e ultimo dos aña, cu a ensera cambionan grandi cu e introduccion di Apple Vision Pro y Apple Intelligence AI. Sinembargo nan a duna e consumidornan di Wallstreet un bista mas cla riba con e ambisionnan di AI di Apple lo impacta su productonan segun su rivalnan mas grandi ta gana tereno di careda di AI.
Traduccion bibo riba tur aparato di Apple
Apple a introduci traduccion bibo basa pa AI pa mensahenan, facetime y yamadanan di telefon riba tur su aparatonan, haciendo mas facil pa combersa cu hende cu ta papia diferente idioma. E fundacion di traduccion bibo lo ta disponibel riba Iphone, Mac, Apple Watch y Ipad lo asta funciona mientras bo ta bisti Airpods.
E caracterista aki por aumenta e competitividad di aparatonan di Apple contra productonan competitivo, manera Pixel Buds di Google, telefonnan manera Samsung Galaxy y brilnnan inteligente Ray-Ban di meta cu ya ta sostene traduccion bibo.
Mehoracion na yamadanan y mensahenan
E proximo actualisacionnan di e appnan di mensahe y telefon tin como meta pa hacie mas facil pa usuarionan comunica cu e hendenan cu nan kier y ki ora nan kier.
Apple lo mehora e screening di yamada pa yuda usuarionan identifica ki ora un yamada di un number desconoci por ta di un estafado of telemarketer. E herment lo constata yamadanan di numbernan desconoci automaticamente y optene e nomber y motibo di e yamada prome cu e mustra e contesta di texto ora e telefon zona.
Den e mensahenan, remitentenan desconoci lo aparece den un man separa haciendo mas facil pa usuarionan filtra mensahenan fraudulento. Cu hold assist e app di telefon di Apple lo pone su mes riba hold pa asina usuarionan por tene nan luga den e rij sin mester scucha musica di hold fastioso. Esaki por zona conoci pa fanaticonan di Android, Google ta ofrece e funcion aki caba.
Mensahenan awor tambe lo sostene fondonan dibertido y colorido y encuestanan pa anima combersacionnan di grupo, haciendo esaki mas competitivo cu Meta su Whatsapp.
Actualisacion di Inteligencia di Apple
Apple tabata bou di hopi presion pa proba cu Inteligencia di Apple ta hustifica e compara di un Iphone of Mac nobo. En general e anuncionan di AI di Apple tabata mas evolutivo cu revolucionario. Manera e analista di Wedbush securities, Dan Ives, a bisa, Apple ta hungando safe y hopi cauteloso despues di erornan di aña pasa.
Kisas e actualisacion di mas grandi pa loke ta trata AI ta cu cu Apple ta habriendo su modelo di AI riba aparato pa desaroyadornan di app di tercer parti. Esaki ta nifica cu usuarionan di iOS lo mira mas funcion cu ta habilita AI den apps manera Kahoot of AIITrails.
Un aparencia nobo pa… iOS 26
Tur aparato di Apple lo tin un look nobo yama “Liquid Glass,” inspira pa e pantaya di software transparente di e Vision Pro.
E diseño nobo lo conta cu elementonan visual transparente cu ta parce di tin un superficie briante. Esaki ta e revision di diseño di software mas grandi di e compania desde e lansamento di iOS 7 na 2013, Alan Dye, vice presidente di Diseño di Interfaz Humano di Apple, a bisa durante e evento.
Y mientras cu e nomber di e ultimo lansamento di sistema operativo di Apple tipicamente ta cambia anualmente ( p.e. di iOS 17 pa iOS 18 ) e actualisacion anuncia dialuna ta bula pa OS 26 pa tur e aparatonan di e compania.
E cambio ta aliña e sistema operativo su convencion di nombramento cu e aña cu clientenan lo ta usando esaki. E version anuncia dialuna lo ta disponibel riba aparatonan di Apple foi Augustus 2025 te cu Augustus 2026. E ta crea tambe consistencia den tur aparato di Apple, cu anteriormente tabatin diferente number di version di sistema operativo ( p.e. maxOS 15 y watch OS 11 ) pasobra nan a wordo lansa den diferente aña.
