NEW YORK CITY, New York – Apple a proyecta diamars ingresonan pa e actual trimester cu tabata mayormente riba e calculacionnan di Wallstreet, den resultadonan cu nan accionnan a manda, pa e maximonan historico y lo yuda alivia e inkietud di e inversionistanan pa e posibel retraso den e lansamento di nan iPhone nobo e aña aki.
E compania di tecnologia mas valioso di mundo a supera tur e previsionnan den cada categoria di e resultadonan, den reporta benta di e iPhone, ingreso y ganashinan pa e accion riba e proyeccionnan di e analistanan.
E balor di su accion a escala riba e maximo tras di e ciere di Wall Street diamars, ora cu el a subi 6 porciento na 159 dollar.
E mercado ta spera cu Apple Inc adopta pantayanan di resolucion halto OLED pa su proximo iPhone, hunto cu un miho tecnologia tactil y carga di baterianan wireless, loke por bin cu un prijs di comercialisacion di mas di 1000 dollar pa unidad.
E compania Mericano a calcula ingresonan total di entre 49 miyon y 52 miyon di dollar pa e trimester actual, mientras cu analistanan a spera den promedio 49.210 miyon di dollar, segun Thomson Reuters.
E reporte di e resultadonan di e di cuater trimester di Apple normalmente ta inclui e benta di prome fin di siman di e dispositivonan nobo cu ta sali riba mercado.
E compania a bisa cu e benta di e iPhone a crece un 1.6 porciento na 41.03 miyon di unidad den e di tres trimester, cabando dia 1 di Juli, riba e calculacion promedio di analistanan di 40.7 miyon, segun e compania di datonan financiero y analisis, FactSet StreetAccount. Apple a bende 40.4 miyon di celular iPhone den e mesun lapso di e aña anterior.
Fuente: www.reuters.com