TECNOLOGIA
CALIFORNIA, Merca- Apple a revela diaranson na Cupertino, California (Merca) su mas reciente varided di dispositivo di e compania. Ta trata di tres modelo nobo di iPhone, como tambe un version di holoshi digital Watch y un mehoracionnan den e speaker HomePod.
XR, Xs y Xs Max
Despues di e exito di e benta di iPhone X, anuncia exactamente un aña atras, e compania tecnologico mas grandi di mundo a revela e modelonan XR, Xs y Xs Max di iPhone. Entre su caracteristicanan esun mas destaca ta lo siguiente:
Screen: cu su 5,8”, e Xs ta mantene e dimensionnan di e screen di iPhone X. E XR ta sigui cu’n diagonal di 6,1”, mientras cu e Xs Max lo tin un screen di 6,5 inch. Te ainda Apple no a fabrica ‘smartphone’ di e tamaño aki.
Pa loke ta tecnologia, Xs y Xs Max ta garantisa un precision halto di color na su screen OLED, mientras cu XR tin un ‘display’ LCD, describi pa e compania como “esun mas avanza di e industria”.
Diseño: Esteticamente, e modelonan nobo ta ripiti e caracteristicanan di iPhone X: e screen y e parti patras di glas. E versionnan Xs y Xs Max, no obstante, ta ofrece un acabado nobo den color oro y rand di metal, mientras cu XR tin e rand di aluminium.
Processor: E tres modelonan nobo ta bin cu e A12 Bionico, un chip diseña pa realisa tareanan di inteligencia artificial den real time. Y segun Apple, “esun mas inteligente y potente den un ‘smartphone’. Segun informenan, su capacidad di haci cinco biyon operacion p/s lo permiti’e habri aplicacionnan mas lihe, cu’n 30%.
Conexion: Un di e caracteristicanan cu mas tabata spera riba dje tabata e introduccion di un luga extra specialmente pa SIM-card, pa cual awo e modelonan lo por uza dos SIM.
Camara: Cu ayudo di e procesor ey, e compania ta afirma cuc e camaranan di su smartphone lo marca “un era nobo den fotografia”. E camara patras di 12 megapixel, cu ta dobbel den e modelonan Xs y Xs Max, awo ta dos biaha mas lihe y ta ofrece mehoranan den e grabacion di Video 4K.
Storage: E iPhone Xs y Xs Max lo por wordo cumpra den versionnan di te cu 512 GB di storage, mientras cu e capacipad maximo di e XR lo ta di 256 GB.
Bateria: E caracteristicanan di e processor den e modelo Xs lo permiti 30 minuut mas di funcionamento cu iPhone X, mientras cu e Xs Max tin e bateria e iPhone y lo tin un duracion di un hora y mei mas cu e modelonan ey. Di otro banda, e carga di XR lo dura 1,5 hora mas cu iPhone 8 Plus.
Prijs: Cu’n prijs inicial di 749 dollar, e iPhone XR ta esun mas barata di e modelonan nobo. Sigui pa e Xs, na 999 dollar y e Xs Max tin un balor di 1.099 dollar. E dos ultimo ‘smartphone’ lo por wordo bestel desde diabierna pa wordo manda desde 21 di september, mientras cu XR lo ta disponibel dia 19 di october en adelante.
APPLE WATCH SERIES Y HOMEPOD
E cambio mas evidente di e Apple Watch, di entre 399 y 499 dollar, ta e screen, cu awo ta 30% mas grandi. Ademas di tin un acabado color oro, e tin un chip dos biaha mas lihe y ta capas di identifica yamadanan cu ta cay, cu na su turno ta permiti di ricibi un alerta den caso di emergencia.
E cambionna den e actual HomePod, di su banda, a wordo anuncia na final di e presentación di Apple. E speaker pronto lo ta capas di realisa yamadanan telefonico y di busca lyrics di canticanan mediante Siri, ademas di dispone di un funcion nobo di un wijzer.