Internacional: Apple a anuncia su iPhone 15 cu un “diseño completamente nobo”. E version di entrada di e iPhone 15 ta presenta e “Dynamic Island” amplia cu ta contene alertanan, notificacionnan y otro controlnan na lugar di e buraconan ariba cu tin pa scucha ora di un yamada. Anteriormente, e funcion tabata disponible solamente na e iPhone 14 Pro.
E iPhone 15 tin un mehoracion den e stabilisacion di imagen pa saca portretnan y video, optimisacion 2x y portretnan actualisa cu colornan mas rico y mihor rendimento den condicionnan di poco lus. Tambe ta inclui un modo cinematografico 4K.
E iPhone 15s ta bini cu e chip bionico A16, e mesun chip usa den e iPhone 14 Pro, cu un motor neuronal cu ta maneha tarea mas complica, manera transcripcion di mensahenan di vos en bibo riba e aparato, segun e compania.
E iPhone 15 tin un chip di banda ultra ancho pa conecta cu otro aparatonan cerca, manera localisacion di amigonan den sitionan yeno di hende of pa reforsa algun di e funcionnan di iOS 17.
E iPhone 15 ta disponibel den 5 color (blanco, preto, rosa, berde y geel) y den dos tamaño: 6.1 pa e iPhone 15 y 6.7 pa e iPhone 15 Plus.
E camara di e iPhone 15 ta presenta un modo retrato automatico, actualisacionnan pa e camara pa e iPhone 15 y iPhone 15 Plus, incluyendo e modo di retrato automatico cu por detecta ora tin un persona sol den e fotografia y HDR inteligente pa saca retrato di animalnan.
E camara di e telefono tambe lo tin portretnan di sumamente alta resolucion, un “modo di accion” pa imagenan y un modo cinematografico 4K pa video.
Apple ta presenta carga USB-C. E noticia a wordo spera y ta marca e fin oficial di e port di Lightning y e charger, exactamente 11 aña despues di nan prome anuncio. Desde awor, e cliente di Apple por usa e mesun cargadornan USB-C pa charge nan iPhones, iPads y computernan Mac, eliminando e lucha pa busca e cargador adecuado pa cada aparato.
