Esaki a sosode den cuadro di lansamento di nan smartphone nobo. E modelonan retira ta iPhone 12 Pro y Pro Max, como tambe e iPhone XR. Nan a publica e informacion aki riba nan webpage ayera.
Mientras tanto, e iPhonenan 12 y e version mini di e modelo aki lo ta accesibel pa e consumidornan.
Diamars e compania, cu sede na Cupertino (California) a presenta su smartphone iPhone 13, su versionnan mini, Pro y Pro Max, y tambe a mustra e modelonan nobo di iPad, iPad Mini y e oloshi Apple Watch 7.
E custumber di elimina e modelonan anterior despues di aparicion di aparatonan nobo ta sigui pa Apple. Asina aña pasa e compania a elimina iPhone 11 Pro y 11 Pro Max, mientras cu na 2019 nan a haci mesun cos cu nan iPhone XS y XS Max.
Segun a splica den e presentacion, un di e mehoracionnan mas notabel ta e camera.