Segun cientificonan e mundo ta poco mas cerca di un apocalipsis den e ultimo aña mei mei di un paisahe cada biaha mas scur y comentarionan haci door di Donald Trump.
E boletin di Scientificonan Atomico (BPA na Ingles) a move a wijzer indicador di minuut di e Doomsday Clock (Holoshi di Fin di Mundo) for di tres minuut pa dos minuut y mei prome cu mei anochi. Esaki ta e di dos biaha cu e ta asina leu.
Hefe di BPA Rachel Bronson a urgi lidernan mundial pa “calma tensionnan enbes di crea tensionnan cu lo por ocasiona un guera”.
Ta di dos biaha cu ta hala e wijzer. E prome tabata na 1953 ora cu e wijzer cu ta indica e minuut a wordo movi pa dos minuut pa mei anochi, despues di un bom hidrogeno a wordo getest door di Merca y Rusia.
E wijzer indicador di minuut riba e Holoshi di Fin di Mundo ta un metafora di con vulnerabel mundo ta pa un catastrofe.
E holoshi a wordo ahusta na 2015 ora cu e la wordo movi for di 5 minuut pa 3 minuut pa mei anochi, mei mei di problemanan global manera cambionan climatico.
E tabata ultimo na tres minuut na 1984 ora cu e relacionnan Mericano- Sovietico a yega su punto mas abao.