Hefe di Departamento di Pension Luis Tromp a splica con e sistema digital lo bay traha awo cu e cliente cu ta bay hasi uso di e website.
E proceso rond di e portal nobo ta un cambio di pensamento y manera di traha. Antes e futuro pensionado tabata bin SVB pa haci aplicacion y despues SVB ta manda controla. Aworaki a drei full e sistema om y awo ta pidi Censo informacion di ken ta e futuro pensionadonan. Esey ta wordo poni den sistema di SVB y prepara. Ora cu e pensionado haci su peticion, sea online of personal, ya tur e informacion tey.
E ta un adelanto hopi grandi, paso antes tabata dura 3 luna pa traha ariba cada peticion, aworaki despues di paar di dia e peticion ya ta cla te cu e persona tin su decision den su man. Pero banda di esey, Sr. Tromp ta sigui splica, enbes di warda den post, ya caba SVB tin informacion di nan email adres y comunicacion lo sigui via nan email adres.
Con SVB ta yega na e portal? E usuario lo mester subi e website www.svbaruba.org y via e opcion di pensioen, ta haya bou di dje Mi Pensioen y ta drenta den e portal. Bo mester tin bo identificacion y bo cuenta di banco. Esey ta e dos rekisitonan cu SVB ta exigi. E sistema ta nabo e posibilidad pa upload e informacion. Pero den caso cu e persona no por of no tin e posibilidad pa scan esakinan, e ora lo por pasa lag’e na oficina di SVB. Di tur manera e proceso ta mas facil cu antes, unda cu mester a warda pa oranan largo.
Pa por registra den e portal, e usuario mester tin un email adres, segun Sr. Luis Tromp, Hefe di Departamento di Pension.