APG facilita door di GOLD 2019 cu hopi sessionnan informativo y educativo

Pa di 4 aña consecutivo GOLD Team di Inglatera a facilita durante 3 siman un training pa tur su lidernan pa asina sigi desaroya nan habilidadnan di liderazgo conforme e maneho internacional di “World Association of Girl Guiding & Girl Scouts” (WAGGGS). Esaki a tuma lugar na Aruba tambe pa APG (Arubaanse Padvindsters Gilde).

E programa ta basa riba e asina yama “Leadership Mindset” cu ta un sistema di liderazgo cu 6 diferente aspecto:

Lidera Bo Mes – Reflective Mindset, Lidera den Contexto – Worldy Mindset,

Lidera Relacionnan – Collaborative Mindset, Lidera implementa Inovacion – Creative & critical mindset, Lidera pa “empowerment” di Mucha Muher – Gender Equality Mindset y

Lidera pa crea un impacto positivo – Responsibel Mindset.

E programa aki a trece un buelta positivo serca lidernan y por ehempel a prepara cambionan pa por sigi desaroya APG den un rumbo na unda pa 2023 e organisacion/asociacion por keda ta lidera y maneha pa mucha muher hoben di nos comunidad.

Durante e session nan aki un grupo di 32 lider y miembronan di directiva di APG a participa activamente na e training nan cu ta inspira pa medio di educacion, weganan educativo y liderazgo.

E metanan principal di APG ta desaroyo di mucha muher desde un edad hoben den un ciudadano responsabel di mayan cu ta aporta den servicio na comunidad, cuido di medio ambiente & naturalesa y conocemento general di nos isla. Tambe a duna informacion na e participantenan encuanto desaroyo personal, abilidadnan social, expresion y con pa tin comprension y di ta servicial. Un parti esencial di e programa nobo ta ensera temanan di salud, conoce bo curpa y cuido personal.

Un di e puntonan interesante cu a bin padilanti ta pa explora metodonan nobo pa recluta mas miembro di APG. Ademas lidernan hoben a dicidi pa traha un “Handbook” pa tur lider di APG cu ta keda den man di un comite special cu ta bai traha riba tanto e programa como e contenido di e “handbook”.

E Programa di GOLD Aruba 2019 tabata uno hopi fructifero y a finalisa cu instalacion di 11 lidernan nobo di APG. E meta final den e Gold 2019 ta pa desaroya lidernan y enpodera lidernan pa aplica loke nan a siña den desaroyo di nan carera tambe.

E GOLD team a presenta varios Weganan interactivo di “team-building” pa tanto lidernan di APG y nan famia. Awor e comite di programa ta bai continua cu planificacion y ehecucion di actividadnan entre awor cu GOLD 2020, y sigui desaroya ideanan pa e programa GOLD 2020.

Comments

comments