Cu profundo tristeza nos ta confirma e fayecimento tragico di un huesped masculino di 76 aña di edad, na De Palm Island diadomingo dia 2 di juni 2024. E huesped a experencia complicacionnan na momento cu e tabata snorkel y a sak’e for di awa imediatamente. Te cu awor e causa exacto di su morto no ta conoci ainda.
A sigui tur e procedimentonan pa den caso di hogamento. Esnan cu a atende e meneer tabata bon capacita, certifica y ekipa cu ekipo di prome ausilio necesario; sin embargo, a pesar di nos mihor esfuersonan, nos no por a reanima e huesped.
Seguridad ta nos maximo prioridad. Despues di e tragedia aki, a tuma e decision inmediato pa sera De Palm Island pa respet na e famia, pa atende cu nos personal di salba bida y pa permiti autoridadnan corespondiente pa realisa nan investigacion. Nos kier a gradici pa e apoyo ricibi di miembronan di nos equipo, socionan y e comunidad local durante e momentonan difisil aki.
Nos ta pidi nos disculpa na tur nos clientenan y invitadonan cu a keda afecta pa e incidente. Lo debolbe e placa di entrada pa e dia aki.
Si tin pregunta of mester di sosten, no duda den tuma contacto cu nos. Un bes mas, nos corason ta cu e famianan y e sernan stima di e fayecido.