Den un entrevista cu presidente di Plataforma di Cacho y Pushi, Sra. Trudy Hassel a puntr’e riba e tanto problema cu nos tin riba caya cu e bestianan cu ta birando un problema serio.
E plataforma di Cacho t’ey. Sra. Hassel como presidente ta representa e grupo cu keto bay den background ta haci nan trabao. Tin varios personanan cu ta forma parti di plataforma y ta nan ta den field ta haci nan best. Banda di esey, nan tin personanan excelente cu realmente cu alma y cuerpo tur dia ta traha ariba e problema aki.
Un di nan tabata pidi pa polis cuminsa actua y a cuminsa cu e proceso, unda cu hunto cu Ministerio Publico, a stel op un OPV, cual ta un buki pa por reparti boet pa esunnan cu ta viola e ley di cacho. Nan ta den e fase, unda cu el a wordo aproba y aworaki e mester bay wordo imprimi. Esaki ta e fase di ehecucion di ley.
E otro fase, ta unda ta papia cu diferente persona na Aruba, cu tin cachonan peligroso, udna cu e mester registra esaki na e Veterinario, cual tambe ta den proceso. Banda di esey, tin varios otro proyecto, caminda cu mester di fondo pa por sigui traha. Un di e bistanan cu nan tin, cu nan kier un propio tereno, unda cu nan por hibanan despues cu garanan, unda e cachonan cu nan ta wordo controla hunto cu veterinario por bin cu’n plan di sterilisacion y wak si por haya un hogar responsabel pa nan. Tur hende kier cacho, pero si wak cuanto doño responsabel tin pa nan cacho, ta hopi pero e grupo cu no ta worry cu e cacho, tambe ta grandi.
E problema mas grandi, y no solamente ariba cacho cu pushi so, pero tur hende ta bira wak polis. Polis ta psicologo, psikiatra, trahado social. Tur cos polis mester ta. Awo e pregunta ta unda e responsabilidad di e ciudadano ta, segun Sra. Trudy Hassel.