E relacion di City Inspector cu GKMB ta uno hopi bon, mas miho nan no por pidi, segun City Inspector, Sr. Danilo Prescott.
Na diferente ocasion, si GKMB topa algo cu ta concerni Bureau City Inspector, y di mes manera, City Inspector ta avisa si tin algo cu ta concerni GKMB.
Yamada di City Inspector ta pa mantene rond di cas limpi, specificamente cosnan cu por ocasiona criadero. Den e ultimo dianan, awa ta yobiendo constantemente, y e awa ta laba bay, ta plug e riolering, strobando e awa bay pa e diferente damnan. Pa e motibo aki Sr. Danilo Prescott ta corda tur hende colabora pa cu esaki, y bin deposita tur bo sushi den e pakietenbos.
Mas aleu, Sr. Danilo Prescott, City Inspector a expresa cu nan ta trahando constantemente riba evaluacionnan rond di Aruba pa wak pa cu e comportacion di e comunidad den e sentido aki, unda cu por ehempel por mira den bario di Kurimiauw, unda cu tin un sitio unda cu nan a bisa hopi biaha pa no tira sushi eynan, y Serlimar tambe lo yega di poni un borchi. Pero ta manera cu e personanan ey rond ta manera cu kier pest e comunidad, cu a dicidi di dorna cu sushi mes full rond di e borchi, y esaki ta mustra cu no tin respet pa cu e companianan den e sector, ni pa emesun comunidad.
Parkietenbos ta existi pa un motibo y cada ciudadano lo mester tuma responsabilidad individual riba esaki, y pa e mesun motibo Sr Danilo Prescott City Inspector ta invita pueblo di Aruba pa ta mas consciente y no duna e mal ehempel aki di tira sushi unda cu ta. Si por tin algun caso pa pone denuncia rond di bo comunidad por yama libremente na 5829777 unda cu semper lo atende tur situacion cu lo por wordo presenta den pro di e poblacion, keda traha riba y si no tan den nan man e ora nan lo pasa e caso na e departamento concerni.