Diahuebs mainta 10 mei 2018 a tuma lugar apertura di XX Torneo Internacional di Bolas Criollas cu participacion di Boneiro, Corsou y Aruba.
Boneiro a bini cu un delegacion di 17 ekipo, Corsou cu 16 ekipo y Aruba cu 21 ekipo, pues un total di 54 ekipo y 120 wega den 3 dia.
Grupo Melodia a toca himno di cada pais y despues a sigui cu sake di prome bola door di Presidente saliente di Papaya Ranch, sr. Dolf Boekhoudt.
Por cierto na 1969 Dolf, Chito (q.e.p.d.) y Joaquin a trece bolas for di Maracaibo, Venezuela, y asina introduci bolas criollas na Aruba.
Despues di apertura e weganan a start te den oranan di anochi.
Papaya Ranch ta invita henter pueblo di Aruba pa bin apoya tur ekipo, pasa un dia ameno y disfruta di cuminda crioyo diabierna anochi y diasabra henter dia. Pa clausura lo tin ambiente di banda Tsunami diasabra pa 7or. Bini uno bini tur!