Despues di su grandioso presencia na Aruba Art Fair, Ateliers ’89 Academia di Bellas Artes Aruba y Fundacion di biaha cu un fuerte y prometedor apertura di e exposicion E CULTURA DI E COPIA.
Esaki ta e resultado di su workshop di Diseño Grafico, cual lo wordo efectua, diamars, 27 di September pa 8pm, na oficina di Douane na B. van der Veen Zeppenveldstraat den caya grandi San Nicolas.
Si!, den solo un siman di tempo Ateliers ’89 ta lansa un otro exposicion na San Nicolas, Cu participacion di diferente participantenan di su workshop di Diseño Grafico. Cual nan a traha pa un luna bou guia di e maestra Brasilero -Swiso Nina Paim. Cu participacion di Brenda Every, Agnes Leslie, NoShHa, Luis Hanibal Villegas Hernandez, Romelinda Maldonado, Carl Rijsdijk, Sarai Zoe Ramos, Meyling Leesuy Wong.
E exposicion aki ta e resultado di cuater siman largo di trabou, unda e diferente participante a bin ta traha y crea solucionnan nobo pa cu nan mes un obra di arte. Atrabes di experimento individual bou guia di e maestra presente. Un grupo unico cu for di prome dia a sa di uni y traha na Ateliers ’89. Tur esaki den un ambiente hopi ameno cu ta e resultado di e comunicacion formal durante e simannan cu a pasa, cual ta ideologia di nos workshopnan aki. Formando asina e presentashon final cu lo ilumina e espacio di exposición y asina deleita un y tur cu lo bin mira esaki na e apertura.
Considera esaki como un invitacion personal y bin e anochi aki unda lo nos honra y conoce e artistanan presente y nan obranan di arte contemporaneo, mas di cerca. Entrada ta liber. E anochi aki lo ta anima pa Fantastic Destiny, High Performance y diferente dj’s y performance. Bin mira e obra mahestouso di VJ Egmar Irausquin. Cu colaboracion porta habri di e galerianan di StudiO, Osaira Muyale y Artista Aruba Art Fair. Cu un danki grandi na Fundacion Mondriaan, Aruba Trading, Juju Events, Unoca, Ministerio di Cultura y tur artista presente den e promer piso y otronan cu ta aporta di un manera o otro na nos eventonan. Oficina di Douane San Nicolas ta di tercer edificio na banda robes ora bo drenta caya grandi. Pa mas informacion por yama 5654613 o 5885776. o www.ateliers89.com y sigui nos programa anual di arte y participa y bira artista!