Apertura di Aña Parlamentario nobo: momento di reflexion

0
RBC Juli 2018
Funmiles-2018

Lider di fracion di MEP, sr. Rocco Tjon MBA, a splica cu e apertura di un aña parlamentario ta un momento pa reflexiona. Ta importante pa analisa kiko tur a wordo hasi y kiko tur mester bay enfoca riba dje e aña benidero.

Discurso di Gobernador
E discurso di Su Excelencia, Gobernador di Aruba, tawata uno hopi realistico. Gobernador a splica kiko den e ultimo añanan a conduci na e hecho cu como pais Aruba nos conoce actualmente retonan financiero, economico y social. Na mes momento e a splica, a base di e plannnan di Gobierno con pais Aruba por surpasa e retonan cu e ta enfrenta. Un ingrediente esencial pa cu esaki ta pa nos como pueblo uni. Un discurso realistico cu speransa.

Aña Parlamentario nobo
Sr. Tjon a splica cu e ta orguyoso y honra di por lidera fraccion di MEP. Ademas di a eherce nan funcion di controla, fraccion di MEP a entrega 3 ley di iniciativa. E aña parlamentario benidero fraccion di MEP lo sigui eherce nan trabou di control y ademas lo enfoca riba leynan di iniciativa y riba procesonan interno di Parlamento. Ta importante pa percura pa e “reglement van orde” wordo modernisa pa asina e trabou di Parlamento y e eficiencia di e organo aki sigui wordo mehora.

Pa conclui
Pa conclui Sr. Tjon a splica cu e topico cu ta importante na e momento aki pa fraccion di MEP ta e manera con e supervision financiero mester continua. Tambe presupuesto 2019 ta di suma importancia pa e finansas di Aruba. Lider di fraccion di MEP, sr. Tjon ta convenci cu gobierno ta ehecuta nan maneho na un manera responsabel y na mes momento fraccion di MEP, lo asumi nan responsabilidad pa controla y percura pa bon gobernacion (deugdelijkheid van bestuur).

Comments

comments

C: Heineken
new india