Diaranson tabata tin dos eleccion simultaneo na Bonaire, uno tabata pa Eilandsraad y e otro tabata pa Provinciale Staten. Tabata un dia largo caminda cu e asistencia no tabata manera tur hende a spera. Eleccion anterior tabata tin un acogida di mas di 80%, mientras cu e eleccion aki tabata tin un asistencia di 62%.
Hopi ta e votadonan cu a asisti na e urnanan caminda cu tabata na final di dia, a zorg pa rijnan largo di hendenan cu a haci uzo di nan asina derecho di voto. Den e cuadro ey, esaki a crea disgusto, unda cu hendenan a fada y a bay for di e urna electoral, sin vota. Pero durante dia tur cos a cana trankil.
Despues di cu e rijnan no tabata largo mas, e urnanan a cera demasiado laat, cu a pone cu e contamento a dura mas largo, y e cansancio di e personanan cu tabata sinta na e urnanan for di mainta trempan, manera tur ser humano, a crea erornan. Door di esaki, pa saca e erornan afo, cual ta den oranan trempan di mainta, pa claria e diferencianan, unda cu Sr. RIjna. como gezaghebber y presidente di Conseho Electoral ta traha e procesverbaal unda cu ta duna e ultimo 2 resultadonan necesario.
ASIENTO
Gezaghebber di Bonaire, S.E. Sr. Rijna a splica cu niun partido a saca e mayoria absoluto, pa cual lo bin un gobierno di coalicion. Sr. Rijna a splica cu el a papia caba cu e lidernan di e partido, cu a indica na gezaghebber cu ya caba a cuminsa cu e reunionnan pa yega na un coalicion stabiel, cu lo goberna Bonaire pa e proximo 4 añanan. Pa loke ta e lapso di tempo cu e reunionnan por dura, Sr. Rijna a splica cu ya caba dia 26 di maart proximo, ya caba lo tin instalacion di e Conseho Insular nobo, y mayoria biaha ta lag’e cay cu e gobierno nobo, cual ta e diputadonan. Pa esaki, ta spera cu e combersacionnan pro ta lihe pa dia 26 proximo, por tin un Conseho Insular, unda cu despues por bira instala Colegio Ehecutivo di Bonaire.
SISTEMA ELECTORAL
Pa loke ta e sistema electoral, esaki tabata e eleccion cu mas reto a trece pa e Conseho Electoral, pa cual Sr. Rijna ta di opinion cu tin hopi pa atende cun’e. Ya caba e prome evaluacionnan a tuma luga caba. Pe eleccion na Bonaire tabata tin observadornan di Organisacion di Estadonan Mericano, y tambe Ministerionan Hulandes, cu tambe tabata presente den e reunion di evaluacion, unda cu a haya varios conseho pa mehoransa. Pues, den e proximo eleccionnan mester por mira un mehoracion, no solamente pa esunnan cu ta traha eynan, pero tambe e comunidad, ya cu nan kier pa e eleccion por ta mas atractivo, y asina atrae e comunidad pa nan bin vota.
POCO INTERES PA VOTA
Mescos cu Aruba y Corsou, Bonaire tambe a conoce un caida den e interes. Esey por tin di haber cu e periodo di instabilidad di gobiernonan cu ta cay, otro eleccion, otro gobierno. Kisas den e direccion aki lo tin di busk’e. Loke gezaghebber a haci tabata pa motiva pa tur hende pa bay vota. Pero e asistencia si tabata un desapunto pa gezaghebber, mirando cu e no tabata e 8-% cu e tabata kier.
GRADICIMENTO
Por ultimo, gezaghebber S.E. Sr. Edison Rijna a gradici tur e stembureaunan, cu tabata tin casi 24 ora ariba pia, haciendo nan maximo, trahando duro pa atende cu tur e rijnan largo cu tabata tin. Tambe na prensa, cu na tur momento tabata tene e pueblo informa.