Diadomingo den careda di 12or di marduga habitante di Palm Beach a bati alarma na autoridad cu tin candela den un apartamento pega cu un cas, di biaha a despacha unidad di brandweer y polis pa e sitio.
Patruya di Noord cu a yega di biaha a constata cu di berdad tin huma ta saliendo for di e apartamento y tabata den parti di e camber. Bomberonan a presenta di biaha na e sitio y drenta accion, a saca un corchon cu tabata full kima door di e candela. Polis a papia cu e habitante y a comenta cu debi cu coriente a bay a laga bela cendi riba e cama y a pensa cu a paga e bela y consecuencia e bela a yega e parti final y kima e camber completo. Bomberonan a controla full e apartamento pa evita cu por tin candela na otro partinan scondi den e cuarto.