Pa loke ta barconan crucero den 2018 a bay hopi bon pa Aruba Ports Authority pa loke ta bishita di barconan. Pa loke ta 2017 tabata un aña record pa loke ta barconan crucero y turistanan y pa loke ta aña 2018 nos ta iguala e aña record. Sr. Jossy Figaroa a bisa cu pa 2019 ta mustra cu lo conta cu e mes un cantidad di turista.
Pa loke ta e bishitantenan di turista cu nos ta haya ta algo hopi bunita pero e no ta bin dimes y hopi hende ta kere cu no mester haci hopi esfuerso, pero e banda di esfuerso ta bin di dos banda un team di nos cu ta afo, tanto di ATA, bureau di minister y APA.
Asina nos ta bay afo pa atende e conferencianan y e lineanan crucero y mester keda mustranan cu bo tin e interes y nan ta avisa bo kico nan ta kere mester mehora y esaki tin cu traha riba dje. E otro banda ta cu mester sigui traha e producto Aruba, unda tin un departamento special pa esaki y tin cu keda eleva e producto. No ta solamente e atraccionnan unda mester bay pero e productonan autentico cu tin pa bende na Aruba y e siguridad ora cu turistanan ta cana riba caminda no tin ningun problema y algo otro pasa.
Ta mes un caso cu siman atras unda turista crusando caminda sin paga tino a keda gedal pa un motociclista, esakinan ta cosnan cu e departamentonan uni mester keda alerta pa esaki como turistanan ora nan ta na Aruba, por ehempel un barco cu mas cu 4600 turista y nan kier gosa lo mas hopi posibel y bo ta hayanan tur caminda ta cana ta haci cu caminda ta bira druk y esaki ta motibo cu nos mester ta mas cauteloso, asina Sr. Jossy Figaroa di APA a comenta.