Aruba Ports Authority a firma un convenio di compra di un tugboat cu e compania DAMEN DAMEN Shiprepair Curacao y un acuerdo cu Svitzer Caribibbean Harbour Services BV cual lo ta supervisando e construccion y transporte di e tugboat, “Damen Azimuth Stern Drive Tug 2811”. APA tambe a firma un convenio di financiamento cu AIB- Bank.
Ing. Jossy Figaroa, director di Aruba Ports Authority, a recorda cu Aruba Ports Authority un tempo e tabata tin un tugboat yama Andicuri, pero dos aña y mei pasa esaki a wordo saca for di servicio.
Es tempo ey, APA no tabata den e situacion financiero pa cumpra un tugboat nobo y a opta pa lease uno pa e periodo di dos aña, cual termino lo vence na december proximo. Desde un principio a bisa cu si e situacion financiero di APA mehora, e ora lo opta pa cumpra un tugboat nobo. Y e momento a yega.
https://www.facebook.com/arubaports/videos/348635782539756/