Internacional: Di un dia pa otro Anuel AA ta anuncia e separacion di e cu su pareha Yailin. Esaki a wordo haci en bibo ariba e plataforma di Instagram Diaranson 9 di Februari.
Den su mesun palabranan e la bisa cu “Ami y Yailin no ta hunto mas pa motibo di situacionnan di bida”, esaki a wordo anuncia ariba Instagram durante un live. Tambe e ta splica cu “Ta tristo cu e (Yailin) ta na estado y nos no por ta un famia bou di e mesun dak”. Pero tog ta puntra pa e fanaticonan di República Dominicana pa keda apoya e muziek di Yailin.
Den Juni 2022 nan a anuncia cu nan lo ta den processo di matrimonio y despues di 2 luna ya caba rumornan tabata circula cu nan lo ta divorciando. Pero saki no tabata e caso, despues cu a bini dilanti y anuncia cu nan lo ta hañando un yiu.
Te ainda no a scucha Yailin responde tocante e separacion aki y lo ta pending pa esaki. E unico cos cu por a wak di Yailin ta su postnan tocante e embaraso cu e yui di Anuel AA. Den un post di November 2022, Yailin lo a scirbi “Mi semper a pidi Dios pa dunami un famia, pero cu e persona cu di berdad mi stima. Danki Dios pa duna mi loke semper mi tabata pidi”.
Y el a continua di sciribi “Mi ta sinti mane e dama di mas contento na mundo. Mi no sa con pa gradici bo pa mi felicidad cu mi ta sinti ne momento aki. Mi no tin palabra. Ami cu bo tata a trese bo na mundo cu hopi amor. Nos ta wardando pa bo yegada, mi gordita”. Y despues ta expressa su amor na Anuel AA.
