Recherchenan di JZP pa algun tempo caba ta trahando riba un denuncia cu a keda entrega contra di Antoni Gario e cantante conoci na Aruba pa e banda Le Groove. Ta ser bisa cu e lo a tene relacion cu un menor di edad, y esaki pa ley ta castigabel ora cu un persona mayor di edad tene relacion cu un mucha muhe menor di edad y tin su consecuencianan cune. Diasabra mainta e recherchenan a bay busca Gario y asina informe cu tin un ordo di detencion di parti di Fiscal di Ministerio Publico relaciona cu denuncia haci contra di su persona pa actonan sexual cu menor di edad. Awor Gario tin cu duna cuenta na husticia di loke e ta keda acusa di dje. Mientras cu e yiu homber di Gario tambe ta deteni pa tene relaciona cu un menor di edad na Seroe Colorado unda esaki a bay for di man cu tabata tin maltrato entre dos dama.